யாழ். மத்திய கல்லூரி 195 வருட வரலாற்று நூல் வெளியீடு _

  யாழ். மத்திய கல்லூரி பழைய மாணவர் பேராசிரியர் ஆர்.ஜே. குகனேசராஜாவினால் உருவாக்கப்பட்ட GLIMPSES OF 195 YEARS OF HISTORY எனும் யாழ். மத்திய கல்லூரியின் வரலாற்று நூலை அக்கல்லூரியின் பழைய மாணவர் சங்க கொழும்புக் கிளை எதிர்வரும் 31ஆம் திகதி சனிக்கிழமை மாலை 5.00 மணிக்கு வெள்ளவத்தை, மூர் வீதி, மெதடிஸ்ட் தேவாலய மண்டபத்தில் வெளியிடவுள்ளது.


இந்நூல் கல்லூரியின் வரலாற்றுக் கட்டுரைகளையும் வேறு ஆய்வுக் கட்டுரைகளையும் சுமந்து வருகிறது. இந்நூலின் விற்பனையில் கிடைக்கும் நிதி மத்திய கல்லூரியில் கல்வி கற்கும் வறுமைக் கோட்டுக்குக் கீழ் உள்ள மாணவர்களின் கல்வி மேம்பாட்டுக்காக வழங்கப்படவுள்ளது.

இந்நூலைப் பெறுவதன் மூலம் தாமும் பயன் பெற்று தமது பாடசாலையில் கல்வி கற்கும் வறுமைப்பட்ட சிறார்களும் பயன் பெறும் விதத்தில் உதவுமாறு கொழும்பு வாழ் யாழ். மத்திய கல்லூரி பழைய மாணவர்களை அக்கல்லூரியின் பழைய மாணவர் சங்கத் தலைவர் மனோ தேவசகாயம் வேண்டுகிறார். ___வீரகேசரி இணையம் 3/29/2012 10:48:57 AM