தப்பியோடிய 41,000 படைச்சிப்பாய்களை இராணுவத்திலிருந்து நீக்க முடிவு.

இராணுவத்திலிருந்து தப்பியோடிய 41 ஆயிரம் படைச் சிப்பாய்கள், தமது பதவியிலிருந்து உத்தியோகபூர்வமாக நீக்கப்பட உள்ளனர். தப்பியோடிய படைவீரர்களிடமிருந்து பணம் அறவீடு செய்யப்பட வேண்டியதனைத் தவிர வேறும் குற்றச் செயல்களில் ஈடுபடாத படைச்சிப்பாய்கள் இவ்வாறு பணி நீக்கம் செய்யப்பட உள்ளனர்.
குறித்த படைவீரர்களுக்கான பணி நீக்கக் கடிதங்கள் அனுப்பி வைக்கப்பட உள்ளன. 50 ஆயிரம் ரூபாவிற்கு குறைந்தளவு பணத்தை இராணுவத்திற்கு செலுத்த முடியாத, வேறு குற்றச்
செயல்களில் ஈடுபடாத அனைத்து படைச் சிப்பாய்களும் விடுதலை செய்யப்பட உள்ளதாக இராணுவப் பேச்சாளர் ரூவான் வனிகசூரிய தெரிவித்துள்ளார்.
பாதுகாப்பு அமைச்சு தப்பியோடிய படைச் சிப்பாய்களை பணி நீக்கும் திட்டத்திற்கு அனுமதி வழங்கியுள்ளது.