கடந்த ஆண்டில் 71,458 சிறிலங்காப் படையினர் தப்பியோட்டம்

கடந்த ஆண்டில் சிறிலங்கா இராணுவத்தை விட்டு 71,458 பேர் தப்பியோடியுள்ளதாக, சிறிலங்கா இராணுவத்தரப்பை மேற்கோள்கோட்டி கொழும்பு ஆங்கில நாளிதழ் ஒன்று செய்தி வெளியிட்டுள்ளது.
2012ம் ஆண்டின் முதல் காலாண்டில் பணிக்குத் திரும்பத் தவறிய சிறிலங்காப் படையினரின் எண்ணிக்கையே 71,458 பேராகும்.

இவர்களில் 33,532 பேர் இராணுவ நடைமுறைகளின் கீழ், சிறிலங்கா இராணுவத்தை விட்டு நீக்கப்பட்டுள்ளனர்.
இராணுவத்தை விட்டுத் தப்பியோடியுள்ள சிறிலங்காப் படையினரைத் தேடிப்பிடித்துக் கைது செய்வதற்கு நடவடிக்கை எடுக்கப்பட்டுள்ளதாக, சிறிலங்கா இராணுவப் பேச்சாளர் பிரிகேடியர் ருவான் வணிகசூரிய தெரிவித்துள்ளார்.