ஆப்கானில் இந்தியர்கள் பத்திரமாக உள்ளனர்: இந்தியத் தூதரகம் அறிவிப்பு

ஆப்கானிஸ்தானில் நேற்று தலிபான்கள் நடத்திய தாக்குதலில் இந்தியர்கள் யாரும் பலியாகவில்லை என்று அந்நாட்டிலுள்ள இந்தியத் தூதரகம் தெரிவித்துள்ளது.

ஆப்கானிஸ்தானில் நேற்று நாடாளுமன்றம் வெளிநாட்டு தூதரகங்கள் உட்பட முக்கியமான 7 இடங்களில் தலிபான் பயங்கரவாதிகள் வெடிகுண்டு தாக்குதல் நடத்தினர். இத்தாக்குதலில் உயிரிழப்புகள் ஏற்பட்டதாக தகவல் வெளிவந்துள்ளன. இந்நிலையில் ஆப்கானில் உள்ள இந்தியர்கள் அனைவரும் நலமாக உள்ளதாக அங்குள்ள இந்தியத் தூதரகம் அறிவித்துள்ளது. இதுவரை எந்த இந்தியரும் காயமடைந்ததாக தகவல் இல்லை. நாங்கள் உஷார் நிலையில் இருப்பதாகவும் இந்தியத் தூதரகம் கூறியுள்ளது.